Barnið vex

Í gær voru keyptir tvenn ný skópör á Márus skóböðul, sem reyndar hafði tekist að treina síðasta par í 7 mánuði.  Það er sosum ekki í frásögur færandi nema fyrir það að nýju skórnir eru í stærð 41.   Já fjörtíu og eitt.  Hann notar semsagt sömu stærð og ég.  Í amerískri skóstærð er það númer 8 – sumarskór síðasta árs voru í stærð 5.5.  Finnst ykkur þetta í lagi???

Hann hefur líka stækkað talsvert – á tveimur vikum núna í vor um heilan sentimeter.  Sem betur fer er hann hættur að ganga í síðbuxum í bili, því þær verða ekki síðar mikið lengur ef fram heldur sem horfir.

Þessum vaxtakippi fylgja líka tannbreytingar – barnið sem ekki hafði misst tönn frá því áður en við fluttum hingað út (það eru nærri komin 2 ár síðan!!) er búinn að missa FIMM á innan við mánuði.  Og öllum var bókstaflega ýtt burt af full0rðinstönnum sem liggur á að komast upp – já og svo er ein í viðbót sem tókst ekki að ýta hinni burt heldur kemur bara niður fyrir ofan hana / utan á gómnum (kannski maður ætti að fara að finna sér tannlækni hérna??)

Hér koma svo nokkrar myndir af flotta stráknum okkar sem stækkar allt of hratt…

Sólin sleikt á túninu fyrir framan þinghúsið

Töffari á ströndinni í Oak Bay

Í fyrsta hjólatúr vorsins. Hverjum líkist hann???